BAI. Bizkaiko Berrikuntza Agentzia

Bizkaiko Berrikuntza Agentzia BAI Agencia de Innovacion de Bizkaia
 
 
  1. hasiera
  2. Komunikazioa
  3. Albisteak
  4. AIC-Automotive Intelligence Center inauguratu dute
 

AIC-Automotive Intelligence Center inauguratu dute

aic

Juan José Ibarretxe lehendakariak eta José Luis Bilbao Bizkaiko ahaldun nagusiak Amorebieta-Etxanoko AIC-Automotive Intelligence Center zentroaren instalazioak inauguratu dituzte gaur ofizialki. Automozioaren sektoreko hainbat profesional eta horri lotutako eragile ugari egon da bertan.


Automozio zentro honen modeloa bakarra da munduan, balio erantsiko jarduerak biltzen dituelako espazio berean. Zentroaren helburua da bertan kokatuko diren sektoreko enpresen arteko lankidetza sustatzea, lehiakortasun handiagoa izan dezaten. Beste batzuen artean, trebakuntza, ikerketa edota industri garapenerako unitateak ezarriko ditu zentroko instalazioetan.  
 
Ildo horretan, gaur arte 18 erakundek eskatu dute atxikipena, hala nola: atzerriko multinazionalek, tokiko taldeek, kooperatibek, familia-enpresek, ikerketa zentroek, prestakuntza zentroek eta ingeniaritza enpresek.
 
AIC zentroak azpiegitura abantailatsuak egin ditu Boroan (Amorebieta-Etxano) eta Ermun. Gaur inauguratu den aldea 1. fasearen barruan sartzen da, eta egoitza nagusia eta bi garapen unitate ditu. Amorebieta-Etxanoko guneak 20.000 m2ditu guztira, eta horretarako ezarri zen epea betez amaitu da: urte eta erdian egin da.
Bizkaiko Foru Aldundiak egin du fase horretarako behar izan den 42 milioi euroko inbertsio osoa. Amorebieta-Etxanoko Udalak 50.000 m2-ko lurra laga du. Gainera, fase horren barruan, bost garapen unitate ari dira eraikitzen Ermun.
 
www.bizkaia.net
 

Konpartitu hau

Share this: Aupatu Share this: zabaldu Share this: meneame Share this: facebook Share this: Del.icoi.us Share this: Spurl Share this: twitter
 
Release performed
by ecmware